زراعة الباباظ

زراعة الباباظ |سؤال وجواب 3

السلام عليكم  …. وعليكم السلام

كنت عاوز بعض المعلومات عن الباباظ … اتفضل حضرتك

انا زارع مساحة من السنة اللى فاتت وللاسف مجبتش الانتاج اللى 

حضرتكم بتتكلموا علية .

تمام مبدئيا فية كام سؤال ممكن اجابة من حضرتك …

نوع التربة …. رملية 

اللون … تربة صفراء 

هل فية زراعات مانجو موجودة عند حضرتك ؟؟

فية بس مش ماشية كويس 

معنى كده الارض فيها ملوحة 

يعنى شوية …

طب والمية ظروفها ونوع الرى اية و ملوحتها كام ؟؟

الرى ارتوازى والملوحة حوالى 1000 

حوالى الف ولا بتحليل 

لا محللناش المية بس جيرانا حللوها وعندهم 1000

طب حضرتك نزلت اى سماد بلدى او مبيد او تسميد كيماوى 

لالالالا

طب بتروى كام مره ف الاسبوع صيفا وكام مره شتاء ؟؟

ف الصيف مرتين ف الاسبوع والشتاء مره كل اسبوع 

بص حضرتك 

بكل الكلام اللى حضرتك قولتلة ده احمد ربنا ان الشجرة عايشة معاك اصلا تربة صفراء لها معاملات خاصة جدا جدا قبل الزراعة ثم ارض فيها ملوحة لا يجود بها زراعة الباباظ ثم ملوحة المية تقريبا مفيش حاجة اسمها تقريبا حضرتك لازم تحلل المية وتعرف ملوحتها كام متقولش جيرانى حللو المية كل بير له ظروفة وملوحتة ؛ اما بالنسبة للتسميد التربة اصلا فقيرة من كل النواحى منتظر منها

تجيب انتاج ازاى طيب ؟

فية برنامج خاص بالتسميد سواء كان سماد عضوى او كيماوى وحسب كل تربة لها معاملات خاصة حسب خصوبتها ونوعها ؛ اما الرى بقى سياتك بالنسبة للباباظ رى الصيف هو هو رى الشتاء من حيث الكمية اما من حيث التوقيت ده له ظروفة خاصة حسب الجو اما بالنسبة للصيف لو الرى ساعتين بيكون 3 مرات اسبوعيا ولازم الارض تتشبع بالماء ويظهر فيها الماء ؛ اما ف الشتاء ممكن تخليها ساعه كل مره والرى مرتين اسبوعيا بسنفس كمية الماء ولازم تتشبع التربة بالماء ؛ وراعى ان النبات لا يعطش ولا تبالغ ف ريه يعنى لا افراط ولا تفريط ده بعض من كل يعنى لو فية اى اخطاء تانى لازم تتعالج عشان تلاقى انتاج مش تزرع وبس .

دمتم بخير والى لقاء اخر ان شاء الله 

Facebook Comments Box

اترك تعليقاً

لن يتم نشر عنوان بريدك الإلكتروني.