زراعة الباباظ

زراعة الباباظ |سؤال وجواب 2

سؤال وجواب الجزء الثانى 

ومتنساش تشرفنا ع قناتنا ع اليوتيوب

https://www.youtube.com/c/MohAliSallam

س : متى افضل وانسب مواعيد لزراعة الباباظ ؟؟

ج : انسب ميعاد لزراعة الباباظ اخر شهر مارس وحتى منتصف ابريل

س : ومتى الانتاج والجمع ؟

ج : تزهر الاشجار ف شهر يوليو وحتى ستمبر وتكون اول جمعة منتصف اكتوبر .

س : تقريبا بجمع قداية من الفدان ؟

ج : ده متوقف ع كام شجرة بالفدان بمعنى لو قولنا ان الفدان ربنا كرمك وطلع حوالى 800 شجرة اناث من 2000 عود اللى اتزرعوا ف الفدان وبكده اصبح معاك 800 شجرة انثى منتجة يعنى سياتك حتأخد من كل شجرة حوالى 3 ثمرات ونقول ع اضعف الايمان الثمرة وزنها كيلو يعنى من كل شجرة حنأخد 3 ك من 800 شجرة منتجة يعنى سياتك حتجمع اول جمعة من الفدان 800 * 3 = 2400 ك ودى اول جمعة من الفدان الواحد .

س : اية دة هو انا حزرع 2000 عود والمنتج 800 بس لية ؟؟

ج : لية ؟؟؟ لان شجر او نبات الباباظ احادى الجنس وفية ذكور واناث والشتلالات المختلطة بتزرع 2000 عود بينتج معاك حوالى 50 – 60 % ذكور والباقى اناث .

س : طب لو حزرع من شتلالات الاناث بس حيبقى الوضع اية ؟؟

ج : شياتك ف شتلالات الاناث بس بتزرع 1120 عود وجميع الشتلالات بتكون منتجة ونفس الحسبة اللى فوق مع اختلاف الارقام النهاية طبعا .

س : طب شتلالات الاناث دى مش عاوزه ذكور ؟؟

ج : طبعا عاوزه ذكور وبترمى ف الارض حوالى 200 عود مختلط عشان يديك 100 عود ذكر ومن ناحية تانى استفادنا بالذكور والاناث .

س : طب انا حجمع كام جمعة خلال السنة ؟؟

ج : ده حضرتك اللى بتحدده معاك اكثر من طريقة اولها انك تجمع كل شهر وثانيها انك تجمع كل 15 يوم وثالثهم انك تجمع 3 جمعات فقط من منتصف اكتوبر حتى اخر يناير .

س : طب السعر وظروفه ؟؟

ج : السعر بيتعلن يوم بيوم او سياتك ممكن تعرفه من خلال التليفون 

او ممكن بنثبت مع سياتك سعر وده بيكون من خلال التعاقد مع حضرتك .

س : طب التعاقد ده ظروفة اية ؟؟

ج : سياتك بتعرف كل البنود دى من خلال زيارتنا ف مقر الشركة 

والى لقاء اخر بمشيئة الله تعالى

شمس للاستثمار والتنمية

محمد على سلام

كفر الهوبي – فاقوس – شرقية
👇

https://maps.app.goo.gl/ZL6fsmfQsG93UWSk7

٠١٠٠٠٨٥٨٩٥٦

Facebook Comments Box

اترك تعليقاً

لن يتم نشر عنوان بريدك الإلكتروني.